Gjykata kundër Korrupsionit dhe Krimit të Organizuar, (GJKKO) vendosi masën e sigurisë ”Arrest me burg” për gjyqtaren e Krujës, Enkeleda Hoxha.
Avokati i saj, në një pronocim të shkurtër për mediat, u shpreh se gjyqtarja nuk meritonte burg për shkak se ajo ka në shtëpi një fëmijë autik dhe një tjetrin të mitur.
“Gjyqtarja nuk meriton arrestin me burg për shkaqe humane që lidhet me kushtet shëndetësore të njërit prej fëmijëve të saj dhe tjetrit që e ka të mitur”, tha Visha.
Më herët gjatë ditës së sotme, babai i gjyqtares, Belul Hoxha tha se vajza e tij është e ndershme, madje kryeministri Edi Rama e kërcënoi se nuk do kalonte vettingun, pasi nuk kishte liruar djalin e një deputeti.
Për çfarë akuzohet Hoxha?
Gjyqtarja Enkelejda Hoxha akuzohet nga SPAK se ka marrë shuma nga 6 mijë deri në 12 mijë euro në këmbim të lirimit të të dënuarve për vrasje.
Në skemë u zbulua edhe mjeku kardiolog Edvin Prifti pasi mori ryshfet për të operuar në QSUT nënën e sekretares së gjykatës.
