Gjyqtarja Enkelejda Hoxha po përgatiste një tjetër lirim të bujshëm. Ndryshe nga sa u njoftua nga Prokuroria e Posaçme, Saimir Petani nuk ishte “peshku i madh” që do të fitonte sërish lirinë.
Nga katër muret e qelisë do të dilte Genc Ferhati, i njohur ndryshe si i forti i rrugës së Kavajës në Tiranë. Por ky i fundit, siç bën me dije edhe gazetari Elton Qyno në Facebook, u tërhoq nga kërkesa për lirim pasi çështja i ra për gjykim një tjetër magjistrateje.
Po ashtu një “udhëtim” për në burgun e Fushë Krujës prej kohësh e planifikonte edhe kapobanda i Çolës, Myrteza Çaushi, i njohur si “Zani”. Edhe Çaushi vetëm pak muaj më parë, nga Drenova, kërkoi lirimin e tij me kusht me pretendimin se ka fëmijë për të rritur, por u tërhoq vetë dhe krejt papritur.
Elton Qyno konfirmon faktin se gjyqtarja Hoxha dhe avokati Aldo Tabaku ishin në një lidhje intime së bashku, duke u kthyer partnerë në profesion e “krim”, por edhe në jetë.
Postimi i Qynos
Sot në burgun e Fushë-Krujës, është mbajtur 5 minuta heshtje totale, për arrestimin e çiftit të dashnorëve, gjyqtares Enkelejda Hoxha dhe avokatit anonim, Aldo Tabaku. Të burgosurit humbën dritaren e tyre të komunikimin me lirinë, pasi gjyqtarja Hoxha dhe avokati i mirënjohur Tabaku, kujdeseshin çdo ditë për lirinë e tyre, mjafton të kishte karburantin financiar në rregull. Të burgosurit kanë derdhur lot sot.
Nga sot, s’do depozitojnë më kërkesa në gjykatë për lirim me kusht. Planet për lirimin e të dënuarve nga qelia, çifti i dashnorëve i bënte pas kalimit të 1 ose 2 orgazmave në një apartament sekret në Tiranë. Tabaku natën bënte betejë në krevat me gjyqtaren, ndërsa ditën vijonte betejën ligjore me të, në sallën e gjyqit. Enkelejda Hoxha me dashnorin e saj Tabaku, kanë liruar sa e sa persona të rezikshëm, duke i lënë të lirë rrugëve të Shqipëri.
Rasti i fundit që po përgatij nga kjo dyshe dashnorësh, ishte dhe ai i Genc Ferhatit, të fortit të rrugës së Kavajës, por që në momentin e fundit ai u tërhoq nga kërkesa për lirim…, pasi çështja i ka rënë një gjyqtareje tjetër në Krujë. Çifti i dashnorëve tashmë përfundoi nga apartamenti sekret në zonën e “5 Majit” në një dhomë tek 313 në rrugën “Jordan Misja” Tiranë. Kjo zonja dhe dashnori i saj, kulmin arritën me lirimin e Endrit Dokles. Zani Ccaushi, plasi të transferohej nga burgu i Drenovës në Fushë-Krujë, por jo s’ia arriti qëllimit.
