Publikohet letra që Donald Trump i ka lënë pasardhësit të tij në Zyrën Ovale, Joe Biden.
Trump edhe në çastet e fundit të tij të presidencës, nuk ka hequr dorë nga shprehja se zgjedhjet janë të manipuluara. Ai ka shkruar se dhe vetë Biden e di se ai i fitoi zgjedhjet.
“Joe, ti e di që un fitova”, është shkrimi i Trump.
Donald Trump nuk ishte i pranishëm në ceremoninë e inaugurimit të Joe Biden, por megjithatë ai ka respektuar njërën nga traditat në ndërrimin e pushtetit, duke i lënë këtij të fundit një letër.
Trump ka shmangur thuajse çdo traditë që përfshinte një transferim paqësor pushteti. Ai nuk e priti Biden në Shtëpinë e Bardhë pas zgjedhjeve dhe nuk e përshëndeti atë në derën e përparme të rezidencës, përpara ceremonisë së inaugurimit.
Ndërkohë, Joe Biden është betuar sot në ndërtesën e Kapitolit, me dorën mbi biblën e familjes së tij që nga viti 1893, duke u bërë kështu zyrtarisht Presidenti i 46-të i Shteteve të Bashkuara të Amerikës. Më herët u betua dhe zëvendësja e tij, Kamala Harris.
