Mutacioni i ri i Covid-19 po përhapet në mënyrë të shpejtë në të gjithë Britaninë e Madhe.
Prestigjozja britanike, Daily Mail shkruan se brenda 2 javësh mutacioni i Covid është përhapur në shumë rajone.
Një studim që ka kryer Zyra e Statistikave Kombëtare në vend, ka dalë në përfundimin se 62% e raste me Covid në të gjithë vendin janë për shkak të mutacionit të ri.
Mutacioni i ri i Covid, është 70 % më ngjitës së sa virusi i mëparshëm dhe pas shfaqjes së parë në Kent tani ka “mbërthyer” të gjithë Londrën dhe shumë qytete të tjera.
Pak ditë më parë, në Britani u shfaq një mutacion i ri i Covid-19. Për pasojë, vendi është izoluar, ndërkohë që shtetet e Evropës dhe të botës, përfshirë Shqipërinë kanë anuluar të gjitha fluturimet me Britaninë e Madhe.
Nga studimet paraprake, tregohet se vaksina anti-Covid ka të njëjtin rezultat edhe me mutacionin e virusit.
