Një 51-vjeçar u vra me armë zjarri mbrëmjen e sotme në Rrëshen. Ngjarja ka ndodhur rreth orës 17:40.
Viktima i indetifikuar si Anton Keli, mësohet se ishte nipi i Tonin dhe Preng Gjinit, njëri i vrarë dhe tjetri i plagosur në atentat.
Sipas njoftimit të policisë, Keli fu dërgua në spital me shenja jete.
“Rreth orës 17:40, në qytet Rrëshen, Mirditë, në rrugë është plagosur me armë zjarri shtetasi A.K., 51 vjeç, banues në fshatin Malaj, Mirditë, i cili është transportuar në spital dhe ndodhet nën kujdesin mjekësor.”, informoi policia.
Por, fatkeqësisht ai nuk mund të mbijetonte.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Mirditë dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
