Sa i takon shpërthimit të ndodhur në lokalin e një 46-vjeçareje në Shkodër, mësohet se janë zbuluar detaje të reja.
Ngjarja ndodhi një natë më parë, rreth orës 21:00, ndërsa deri më tani janë shoqëruar gjashtë persona.
Në polici janë marrë në pyetje gjashtë persona në lidhje me këtë ngjarje, mes tyre edhe djali i pronares, Aleksandër Foljeta, i cili ka qenë i përfshirë në një plagosje me thikë.
Pronarja e lokalit, Hana Foljeta nuk ka dyshime mbi autorët. Tre muaj më parë, djali i 46 vjeçares është përfshirë në një plagosje.
Djali i 46 vjeçares ka plagosur lehtë me thikë dy persona. Edhe pse u arrestua, më pas djali i pronares u la i lirë.
