Këto pamje të rënda vijnë nga një spital në Londër, ku një punonjës i spitalit është përleshur dhunshëm me një pacient. Dhuna është filmuar nga një kamer amatore, ndërsa të dy personat janë rrëzuar në dyshemenë e një dhome pritje, pas debatit që nisi mes tyre.
Videoja e filmuar nga një dëshmitar, tregon pacientët dhe stafin të cilët janë shokuar nga kjo situatë e rëndë në Spitalin Whitington, pranë Upper Holloway në veri të Londrës.
Pacienti ka akuzuar punonjësin, se e kishte shtyrë para se të shpërthente dhuna. Në pamje duket qartë pacienti që i bërtet anëtarit të stafit, ndërsa të dy shtyjnë njëri-tjetrin në hyrje të zonës së pritjes.
Pacienti thotë: ‘Ju po më prekni’, pastaj e grushton dhe bërtet: ‘Çfarë po bën?’.
Punonjësi e shtyn dhe pacienti thotë: ‘Ju duhet të kujdeseni për njerëzit’.
Anëtari i stafit godet vazhdimisht pacientin, para se ta përplasë atë në dysheme.
Ai grushton pacientin në kokë. Pacienti pastaj ngrihet në këmbë dhe bërtet: ‘Ju duhet të kujdeseni për ne. Si guxon?’.
