Drejtori i Urgjencës Kombëtare, Skënder Brataj ka shpjeguar në emisionin “Opinion” protokollet e trajtimit të pacientëve Covid nga mjekët e familjes.
Këto protokolle të hartuara nga Ministria e Shëndetësisë, i drejtohen mjekëve të familjes dhe ju referohen pacientëve me simptoma të lehta dhe mesatare, të cilët duhet të trajtohen sipas rekomandimit të mjekut të familjes.
Protokollet drejtuar mjekëve të familjes nga ministria janë si më poshtë:
Forma e lehtë Stadi I
Në moshat e reja dhe të pa shoqëruar me sëmundje të tjera jepen:
a) Vitaminoterapi ( vitC ), Vitamine D, Zink
b) Lëngje
c) Antipiretike kur ka temperaturë si paracetamol ose antininflamatoe josteroide
d) Trisol kur ka diare
e) Shurup kolle kur ka kollë
Format e lehta në të sëmuret kronikë mund të fillohet mjekim nga goja edhe me antibiotik si azitromicin apo levofloxsacin sipas rastit dhe antiagregant nga goja si aspirinë 100mg. Të semurët kronikë që marrin antikogulantin sipas diagnozs e vazhdojnë atë (psh xsarelto 15mg)
Forma e mesme Stadi II (oksigjenoterapia më e vogël se 94)
a) Merr antibiotikë nga goja (azitromicin 500mg , levofloxacin 500mg)
b) Kortizonkët merret vetëm në rastet kur ka filluar vështirësia në frymëmarrje dhe ka të paktën 6-7 ditë me temperaturë.
Kortizoniku zgjidhet te merret nga goja si Medrol apo prednizon duke patur parasysh gjithmonë efektet anësore e kunderindikacionet që ai ka (Ulcera, HTA,diabet, glaukoma e tjera).
Në këto forma jepen edhe antikoagulantë nga goja, në varësi të analizave.
Kujdes kortizoniket injeksion nuk duhet të bëhen në kushte shtëpie. Ato përdoren në kushte spitalore. Më me efekt është dexametazoni dhe metilprednizoloni.
Niveli i oksigjenit duhet të vlerësohet edhe ne varësi të moshës dhe të sëmundjeve të tjera që pacienti ka. Të vleresohet drejt e të mos neglizhohet dhe të dërgohet shpejt ne spital, e jo kur ky nivel është shumë i ulur sepse rrezikon seriozisht jetën e të semurit.
Në të gjitha rastet jepen vitaminoterapi, antipiretike, lëngje për rehidrim sipas rastit, shurup për kollë apo medikamente lehtësuese sipas problematikave qe paraqet i sëmuri.
Rastet e rënda detyrimisht duhet të trajtohen në spital.
Vini re: Medikamentet në shtëpi duhet të jepen oral. Përjashtim rastet kur ka të vjella të cilat duhen trajtur dhe ndërprerë.
Në rastet kur gjykohet se i sëmuri duhet të marrë mjekim parenteral apo ka nevojë për perfusion, lajmërohet 127.
Në rast komplikacionesh apo rëndimi, i sëmuri transferohet në spital nëpërmjet 127.
*Analiza gjaku kërkohen vetëm në rastet qe mjeku i gjykon të domosdoshme.
*Analiza specifike për koagulim jepen vetëm në raste kur ka rrezik për ngjarje.
Analiza kardiovaskulare me rekomandimin e mjekut qe e ka në ndjekje.
*Marrja e gjakut ne shtepi do te kryhet vetem nga personeli i caktuar ne cdo qender me te gjitha veshjet e paisjet perkatese.
