Trajneri i skuadrës së Kukësit, Skënder Gega ka rezultuar pozitiv në testin për Covid-19.
Lajmin e ka bërë të ditur ekipi verilindior, përmes një kominikate.
Gega prej 4 ditësh ka ndjerë simptomat e para të virusit dhe ka munguar në stërvitje, për të shmangur çdo kontakt me ekipin duke u vetëizoluar në shtëpi.
Komunikatë e klubit të Kukësit
Klubi i Kukësit njofton se trajneri Skënder Gega ka rezultuar pozitiv në tamponin e kryer për Covid 19! Trajneri Gega prej 4 ditësh ka ndjerë simptomat e para të virusit dhe ka munguar në stërvitje për të shmangur çdo kontakt me ekipin duke u vetëizoluar në shtëpi, ndërsa ditën e djeshme ka kryer tamponin dhe nga përgjigja që mori ditën e sotme, ai rezultoi i prekur nga Corona Virus. Klubi i Kukësit i uron shërim dhe rikthim sa më të shpejtë trajnerit Gega. Të presim më të fortë profesor. Kjo fitore ishte për ty.
