Për shkak të rritjes së numrit të rasteve dhe viktimave nga Covid-19, nga nesër Shqipëria do të rikthejë sërish orën policore.
Burime për BalkanWeb, bëjnë me dije se nga nesër kush thyen orën policore të ndalim qarkullimit në fashën orare, 22:00 – 6:00 do të gjobitet.
Bazuar tek akti i ri normativ, gjoba do të jetë 100 mijë lekë të vjetra ose 10 mijë lekë të reja.
Ditën e djeshme, Komiteti Teknik i Ekspertëve mori disa vendime të cilat janë:
1. Kufizimi i lëvizjes nga ora 22:00 – 06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme.
2. Ndalohen aktivitetet e bareve – restoranteve nga ora 22:00 – 06:00 (përvec shërbimit delivery).
3. Smart-working për administratën publike (sipas specifikës së sektorit) në zbatim të protokolleve të sigurisë. Përjashtim bëjne strukurat ofruese të shërbimeve duke zbatuar protokollet e sigurisë.
Këto masa do të hyjnë në fuqi më 11 nëntor dhe do të zgjasin për 3 javë.
