E gjithë bota po shpreson për daljen e një vaksine sa më shpejtë të jetë e mundur. Shumë shtete i janë rikthyer sërish izolimit. Një mbyllje e dytë kjo, për të parandalur përhapjen masive të të infektuave. Po kështu një situatë tragjike është edhe me personat që humbin betejën me koronavirusin, ndërsa mjekët duket se janë dorëzuar para këtij virusi vdekjeprurës. Por një lajm shpresëdhënës vjen në një kohë kur kryefjalë e ditës është pandemia.
Gjiganti amerikan i farmaceutikës Pfizer, një nga kompanitë lidere në kërkimet për vaksinën kundër koronavirusit, thotë se provat kanë treguar se vaksina e tyre funksionon në 90% të rasteve.
Pfizer dhe BioNTech njoftuan sot se pas provave masive, rezultoi se 9 nga 10 persona që kryen vaksinën, janë të mbrojtur nga koronavirusi. Aktualisht nuk është vënë re asnjë komplikacion anësor, që vaksina mund të shkaktojë te vullnetarët. Sakaq, pritet të kërkohet autorizim nga autoritetet në SHBA, për të nisur përdorimin nga muaji i ardhshëm.
“Një ditë e madhe për shkencën”, deklaroi kreu i kompanisë amerikane, e para që ka arritur të tregojë të dhëna të suksesshme nga provat klinike në shkallë të gjerë për vaksinën anti-Covid-19. Nga provat e kryera, deri më tani nuk është vënë re asnjë komplikacion anësor që vaksina mund të shkaktojë te vullnetarët, e tashmë pritet të kërkohet autorizim nga autoritetet në SHBA, për të nisur përdorimin urgjent nga muaji i ardhshëm”.
Por nëse autorizohet, numri i vaksinave pritet të jetë i vogël. “Kjo është një ditë e madhe për shkencën dhe njerëzimin. Kemi arritur në një pikë tepër të rëndësishme në programin tonë të zhvillimit të vaksinës”, tha shefi ekzekutiv i kompanisë, Albert Bourla.
