Mbi 160 milionë amerikanë kanë votuar në zgjedhjet presidenciale të 3 nëntorit në SHBA, duke prodhuar shkallën më të lartë të pjesëmarrjes në 120 vjet.
Këto janë të dhënat paraprake të Projektit të Zgjedhjeve në SHBA, mision i të cilit është sigurimi i statistikave zgjedhore.
Sipas këtij Projekti, pjesëmarrja në zgjedhjet e së martës ka qenë 66.9%, më e larta që nga viti 1900.
Në vitin 1900, pjesëmarrja ka qenë 73.7% dhe presidenti republikan, William McKinley, e ka mundur sfiduesin e tij demokrat, William Jennings Bryan.
“Zgjedhjet presidenciale 2020 kanë pasur pjesëmarrjen më të lartë në 120 vjet”, ka shkruar në Twitter themeluesi i Projektit të Zgjedhjeve, profesori Michael McDonald.
I posted PRELIMINARY estimates of the 2020 state and national turnout and voting-eligible population turnout rates
160 million people voted
Turnout rate: 66.9%
Highest turnout rate since 1900: 73.7%https://t.co/k7y6bGRInG
— Michael McDonald (@ElectProject) November 4, 2020
Sipas mediave amerikane, deri më tani kandidati demokrat, Joe Biden ka siguruar 238 vota elektorale, ndërsa presidenti aktual, Donald Trump 213 vota elektorale.
