Në një bashkëbisedim me kreun e PD, Lulzim Basha mjekët e familjes thane se marrja e tamponit për Covid-19 vonon deri në 10 ditë nga fillimi i simptomave.
Për mjekun shqiptar në Gjermani, Erion Dashi kjo është një paturpësi.
Sipas tij, teste që kanë koston 6 euro shiten në vendin tone për 100 euro.
”Më çudit paturpësia e personave se si përgjigjen në Shqipëri. Të fillosh mendosh se në media dhe rrjete sociale ka persona që ankohen për vonesën e tamponit. Dhe t’u thuash këtu personave nga ekrani se testohet në rregull, është një paturpësi.
Personave u vjen testi për një javë, ndërsa në Maqedoni vjen përgjigja për 30 minuta. Kjo tregon se jemi në një situatë absurde. Apo të detyroj dikë që të bëjë një test 100 euro anti geni që ka kosto 6 euro është një krim dhe mbështetje e spekulantëve në Shqipëri’’, tha Dasho në ‘Tempora’.
