Kryetari i Partisë Demokratike, Lulzim Basha ka zhvilluar një bashkëbisedim me mjekët e familjes dhe specialistë të shëndetësisë për të diskutuar situatën e pandemisë nga COVID-19.
Mjekët i bënë me dije Bashës se marrja e tamponit vonon deri në 10 ditë nga fillimi i simptomave, duke shtuar se 5 ditë pas fillimit të simptomave tamponi nuk vlen si metodë testimi.
Ata u shprehën se mjetet mbrojtëse i blejnë me të ardhurat e tyre.
Mjekët: ”Rastet janë aq të shumtë sa detyrohemi t’i dërgojmë në spitale private për të bërë skanerin. Nuk kemi oksimetër për të matur saturimin me oksigjen. Marrja e tamponit vonon deri në 10 ditë nga fillimi i simptomave. 5 ditë pas fillimit të simptomave tamponi nuk vlen si metodë testimi.
Të gjitha mjetet mbrojtëse i blejmë vetë. Mungesat si tek mjekët ashtu edhe tek pacientët. Marrja e rezultatit 2 javë nga shfaqja e simptomave. Në mungesë të tamponeve i dërgojmë pacientët të bëjnë skaner në privat. Një rast konkret, më 21 u paraqit, më 26 është testuar, rezultati me 2 nëntor. Gjatë periudhës së pritjes, kontakteve të te pacientit nuk i bëhet tamponi. Rasti konkret, gruas së pacientit nuk iu bë tamponi.’’
