Kryetari i Bashkisë, Erion Veliaj, ka nxjerrë blof kryetaren e LSI-së, Monika Kryemadhi, lidhur me pronësinë tek “Sami Frashëri”. Ai ka publikuar dokumentet nga Kadastra ku vërtetohet se pronësia e shkollës “Sami Frashëri” është e Bashkisë së Tiranës.
“Dilema eshte, duhet çuar per shpifje apo per mjekim? Ja prona e Sami Frasherit, boll u bete gazi i botes! Pastaj hani inat me popullin qe s’ju voton! Si te lodrat, pazari, sheshi, kalaja – njesoj Samiu – do fshiheni nga turpi. Po ju dhe turpin e hani me buke!”, shkruan Veliaj.
Sot Kryemadhi akuzoi Bashkinë e Tiranës se ka lejuar tjetërsimin e pronësisë së tokës, ku ishte ngritur gjimnazi “Sami Frashëri”. Ndërsa hodhi akuza mbi kryebashkiakun Veliaj, Kryemadhi tha se për këtë rast duhet të hetojë Prokuroria.
