Prej disa ditësh, Maqedonia e Veriut ka regjistruar shifra të frikshme, në lidhje me situatën epidemiologjike të Covid-19.
Në 24 orët e fundit, vendi fqinj ka regjistruar 865 raste të reja, të dala nga 2,449 testime.
Ndërkohë, janë shënuar edhe 10 viktima, ndërsa 359 pacientë janë shëruar.
Që nga fillimi i pandemisë në Maqedoninë e Veriut janë infektuar 32,436 persona, prej të cilëve 21,090 janë shëruar, ndërsa 1,004 kanë humbur betejën.
Aktualisht, vendi regjistron 10,342 raste aktive me Covid-19.
