Dhjetra ndërtesa të shembura dhe njerëz të frikësuar që kërkojnë nën rrënoja, është pasqyra e përgjithshme e asaj që po ndodh në Turqi, pas një tërmeti të fuqishëm.
Tërmeti i fortë 6.9 ballë në kufi mes Turqisë dhe Greqisë, ka shkaktuar edhe cunami.
Sipas të dhënave paraprake, raportohet se pas rënies së tërmetit, deti është tërhequr disa metra dhe ka vërshuar vetëm pak minuta më parë në qytetin Seferihisar të Turqisë.
Në videot e shpërndara në rrjetet sociale, duket uji i detit që ka përmbytur katet e para të banesave.
Në qytetin e Izmirit raportohet për disa ndërtesa të shembura, ndërsa dyshohet për viktima.
Njerëz të shtrirë në rrugë dhe ndërtesa të shembura. Kjo është panorama që ofron sot qyteti i Izmirit. Lëkundjet ishin aq të fuqishme, sa janë ndjerë deri në Athinë.
