Analisti Fatos Lubonja, ka komentuar situatën politike në vend, ku flitet për krijimin e partive të reja në prag të zgjedhjeve të 25 prillit 2021.
Nëse këto parti të reja do t’i shërbejnë kryeministri Edi Rama apo do të përbëjnë një pol tjetër, Lubonja shprehet kush krijon parti para zgjedhjeve, ose është delirant, ose është i blerë.
Të njëjtën gjë, ai pohoi edhe për Jozefina Topallin, për të cilën thuhet se do të krijojë parti.
“Kush krijon parti në prag të zgjedhjeve ose është delirant, ose është i blerë nga Rama. Nëse duan të krijojnë parti, duhet ta bëjnë pas zgjedhjeve, që të tregojnë se janë njerëz që kanë vërtet një qëllim. Përvoja ka treguar se kush ka krijuar parti para zgjedhjeve o është blerë, o është delirant.’’, tha Lubonja në rubrikën ‘Opinion’.
