Shqipëria ka regjistruar një rekord të zi në lidhje me viktimat e shkaktuara nga Covid-19.
Në 24 orët e fundit, 7 persona nuk e kanë fituar betejën me virusin.
Ministria e Shëndetësisë, informon se 284 raste rezultuan pozitivë, nga 1278 testime të kryera.
Fatmirësisht, është rritur numri i të shëruarve, 103 brenda një dite.
Situata paraqitet e rënduar edhe në spitalet covid, ku aktualisht janë të shtruar 285 pacientë.
Rastet pozitive të konfirmuara në 24 orët e fundit janë identifikuar në këto bashki:
119 raste në Tiranë, 29 në Shkodër, 26 në Durrës, 13 në Vlorë, 12 në Pogradec, 11 në Korçë, nga 10 raste në Fier, Elbasan, 9 në Lushnje, 8 në Berat, nga 6 raste në Kavajë, Gjirokastër, Përmet, nga 5 raste në Krujë, Devoll, Sarandë, 4 në Librazhd.
Viktima – Në 24 orët e fundit, e kanë humbur betejën me COVID19, një infermiere 50 vjeçare nga Elbasani një mjek 64 vjeçar nga Lushnja, një 61 vjeçare, një 62 vjeçar dhe një 76 vjeçar nga Tirana, një 78 vjeçar nga Fieri, një 81 vjeçar nga Mirdita me sëmundje bashkëshoqëruese.
Të shtruar – Aktualisht në spitalin Infektiv dhe “Shefqet Ndroqi” po trajtohen 285 pacientë, 15 në terapi intensive nga të cilët 9 pacientë janë të intubuar.
COVID-19 – Statistika (27 Tetor 2020)
Raste të reja ditore 284
Të shëruar në 24 orë 103
Të shtruar në spitale 285
Humbje jete në 24 orë 7
Testime ditore 1278
Testime totale 119,607
Raste pozitive 19,729
Raste të shëruara 10,808
Raste Aktive 8,434
Humbje jete 487
Shpërndarja gjeografike e rasteve aktive sipas qarqeve:
Tiranë 4302
Durrës 809
Fier 551
Shkodër 521
Korçë 506
Lezhë 387
Elbasan 380
Vlorë 338
Berat 238
Kukës 182
Gjirokastër 128
Dibër 92
