Syzet e diellit, janë sot një pjesë kryesore e garderobës sonë. Por ato nuk janë përdorur gjithmonë për të mbrojtur sytë nga dielli, apo si një shprehje e modës. Në fakt, të parët që i përdorën që në shekullin e XII ishin gjykatësit kinezë.
Synohej që syzet të fshihnin sytë e trupit gjykues, në mënyrë që askush në sallë të mos mundej të lexonte shprehjet e tyre të fytyrës. Ndërkohë syzet nuk kanë pasur skeletin e tyre anësor deri në vitin 1730. Deri atëherë, syzet mbaheshin nga një shirit prej letre. Këngëtari i njohur britanik Elton Xhon, mendohet të ketë koleksionin më të madh të syzeve të diellit në botë: ai zotëron mbi 20.000 palë.
Ndërkohë kompania zvicerane “Chopard”, është krijuesja e syzeve të diellit më të shtrenjta në botë. Një palë syze të saj kushtojnë 400.000 dollarë.
Skeleti është bërë me 60 gram ar 24 karat, dhe i zbukuruar me 51 diamante. Në SHBA kremtohet çdo 27 Qershor Dita Kombëtare e Syzeve të Diellit.
Ekspertët theksojnë rëndësinë e mbajtjes së syzeve të diellit, për të mbrojtur sytë nga rrezet e ashpra ultraviolet.
TIRANA TODAY
