Kryetari i Partisë Republikane, Fatmir Mediu, ka zhvilluar një takim me të rinjtë që mbështesin këtë forcë politike në Tiranë.
Gjatë fjalës së tij, Mediu ka premtuar se nëse demokratët fitojnë në zgjedhjet e 25 prillit, brenda mandatit të parë synojnë që Shqipëria të bëhet anëtare e BE-së.
Sipas tij, kryeministri Edi Rama Rama mohoi dhe shkatërroi çdo gjë arriti PD në vitet 2005-2013, duke bërë që Europa të jetë një ëndërr e largët.
Fatmir Mediu: Por, nuk është e mjaftueshme vetëm të tregojmë sa keq jemi! Duhet të rindërtojmë besimin, duke garantuar pjesëmarrjen reale të vlerave politike dhe njerëzore të historisë të së djathtës dhe sidomos rinisë, e cila duhet të ndërtojë shtetin europian me një platformë të qartë dhe me pjesëmarrje në parlament e qeveri.
Brenda mandatit të parë të qeverisë ne duhet të bëjmë Shqipërinë vend anëtar të BE-së dhe mbi të gjitha në vend të urrejtjes, përbuzjes e përçarjes, të ndërtojmë dashurinë, respektin dhe besimin e shqiptarëve drejt qëllimeve të mëdha që kemi nisur.
