Shqipe Hysenaj është vajza e cila ka marrë shumë vemendje në emisionin “Përputhen” dhe në rrjetet sociale, për shkak të sjelljes së saj. 28-vjeçarja e lindur në Zvicër, ka pasur përplasje të vazhdueshme me konkurrentët e tjerë në emision.
Po për shkak të sjelljes së saj aspak etike, produksioni i emisionit vendosi që edhe ta përjashtojë, pasi kishte thyer në jo pak raste rregulloren. Vajza, e cila në jetën e saj merret me programet e fëmijëve parashkollorë, ka shfaqur një anë rebelizmi në emision. Pak ditë më parë ajo shfaqi anën tjetër të karakterit të vajzës së fortë. “Kam hequr sa shpirti ma di, dua të ndihmoj të rinjtë!”, tha ajo.
Në takimin me Andi Shehun që po flirton, Shqipja tha se historia e saj personale është shumë e vështirë dhe do të shërbente si një shembull për të gjithë të rinjtë. Në fakt vemendjen nuk e ka marrë vetëm Shqipja, por edhe djali që ajo shprehu pëlqimin, i cili është Andi Shehu.
Menaxheri 24-vjeçar i një dyqani veshjesh nga Tirana, i cili është komentuar jo pak për të shkuarën e tij të errët, nga fejesa në Suedi, te depërtimi në Shqipëri për shkak të problemeve me drejtësinë italiane.
I ftuar në “Shqipëria Live”, ai tha se do ta veçonte si gabim faktin që kishte shpenzuar 10 milionë në natë në një club. Pyetjes se si i siguronte kaq shumë para një djalë si ai në të 20-at, u shpreh se ka lëvizur jashtë vendit që adoleshent, dhe paratë i merrte edhe nga i ati.
Por njohja e saj me Andin nuk është aspak surprizë që të vazhdojë jashtë “Përputhen”, pasi dje Shqipja u përjashtua nga programi për reagimet e saj homofobike.
I vetmi që i doli në mbrotje ishte vetëm Andi. 24-vjeçari renditi disa nga fjalët fyese që konkurrentët e tjerë kanë përdorur ndaj Shqipes.
