Për shumë banorë të Parisit, Zherom Kerviel, është një lloj Robin Hudi modern. Ai u hapi atyre sytë mbi mashtrimet që ndodhin shpesh në sistemin financiar. Gjoba prej 4.9 miliardë eurosh, e bëri atë njeriun më të varfër në botë.
I diplomuar në Universitetin e Lionit, Zherom nisi punë në një nga degët e bankës “Société Générale”. Brenda 5 vitesh u gradua në detyrën e tregtarit të letrave me vlerë.
Ai nisi të merrej me spekulime, duke i sjellë fitime të mëdha bankës. Në fund të vitit 2006, krijoi një treg fiktiv të letrave me vlerë. Njohuritë informatike, e ndihmuan të fshihte shumë nga shkeljet.
Në fillim të vitit 2008, kur sapo kishte nisur kriza financiare, Kerviel hodhi në treg 50 miliardë euro letra më vlerë, më shumë sesa i gjithë kapitali i bankës.
Por gaboi, dhe Société humbi 4.9 miliardë euro brenda 3 ditësh. Në vitin 2010, u dënua me 5 vjet burg. U la i lirë me kusht pas disa muajsh, por me detyrimin për të paguar dëmin prej 4.9 miliardë eurosh.
TIRANA TODAY
