Policia zbardhi shkakun e ngjarjes rrugore të ndodhur ditën e djeshme në Rromanat të Durrësit, duke arrestuar 41-vjeçarin M.I, i cili aksidentoi për vdekje 57-vjeçarin Sh.E.
Nga hetimet, rezultoi se ngjarja e ndodhur nuk ishte aksident rrugor , por dyshohet vrasje me dashje për hakmarrje.
”Shtetasi M.I., dyshohet se ka goditur shtetasin Sh.E., për motive hakmarrje, pasi shtetasi Q.E., (babai i viktimës) në vitin 2006 ka vrarë shtetasin Z.I., (babai i të dyshuarit)’’, informon policia.
Kapja dhe arrestimi i tij, u bë nga Specialistët për Hetimin e Krimeve ndaj Personit dhe Pasurisë në DVP Durrës, në bashkëpunim me Prokurorinë.
Materialet i kaluan Prokurorisë së Rrethit Gjyqësor Durrës, për veprime të mëtejshme.
