Kanë mbetur edhe tri ditë deri në kualifikuesen e parë të Ligës së Kombeve për muajin tetor.
Më 11 tetor do të jemi mysafirë të Kazakistanit, me shpresën për të marrë tri pikët e çmuara.
Trajneri Edy Reja është munduar t’i shkundë kuqezinjtë, jo vetëm në seancat e përditshme, por edhe në përzgjedhje.
Pavarësisht se ka përdorur justifikimin e dëmtimeve dhe kushtëzimeve prej Covid-19, ai la jashtë liste pesë senatorë: Hysaj, Roshi, Sadiku, Balaj dhe Cikalleshi.
Prurjet e reja për dy sfidat e afërme janë të shumta, madje mund të kemi edhe debutimin e ndonjërit.
Startues pritet të jetë edhe Armando Broja në sulm, përkrah Rey Manajt. Shanse edhe për Albi Dokën, që la Tiranën si kampion kësaj vere dhe kaloi në kampionatin kroat.
