Presidenti i Shteteve të Bashkuara, Donald Trump tha se ka në plan të marrë pjesë në debatin e dytë me rivalin e tij demokrat, Joe Biden.
“Unë mezi e pres debatin mbrëmjen e së enjtes më 15 tetor në Miami. Do të jetë i mrekullueshëm!”, tha presidenti në Twitter.
I am looking forward to the debate on the evening of Thursday, October 15th in Miami. It will be great!
— Donald J. Trump (@realDonaldTrump) October 6, 2020
Kandidati demokrat për President, Joe Biden tha të martën ai dhe Donald Trump nuk duhet të zhvillojnë debatin e tyre të planifikuar më 15 tetor nëse presidenti do të vazhdonte të ishte i infektuar me koronavirus në atë kohë.
Trump rezultoi për herë të parë pozitiv për COVID-19 të enjten e kaluar dhe u shtrua në spital për 72 orë midis mbrëmjes së së premtes dhe të hënës.
