Gazetari investigativ Artan Hoxha ka publikuar disa foto nga një parcelë me drogë, dhe thotë se këtë vit si asnjëherë më parë çmimi ka shkuar në 1.600 euro. Ndërsa Ministri i Brendshëm Sandër Lleshaj, flet për operacione të suksesshme, realiteti shfaqet krejt ndryshe.
“Me paratë e drogës po financojnë blerjen e zgjedhjeve”, ka qenë dhe është shprehja standarte e opozitës, që po artikulohet sërish.
Me ironi gazetari thotë se në pyjet me kanabis ka jetë, dhe se Shqipëria e ka te garantuar edhe për një vit tjetër brand-in e saj europian, Made in Albania. Çmimet variojnë nga 1300 euro deri 1600 euro për kg, në varësi të cilësisë. Gazetari ka sulmuar Ramën, teksa thotë se fotot janë shkrepur dje më 2 tetor 2020.
Statusi
Mirëmëngjes Shqipëri…
Me kasketë të vjetër, në kanabisin e ri..
Në pyjet me kanabis ka jetë.
Pershëndetje zoti kryeministër.
Nën kujdesin e veçantë të qeverisë suaj, Shqipëria e ka te garantuar edhe për një vit tjetër, brand-in e saj europian, Made in Albania…
Si asnjëherë më parë, çmimi për kilogramë ka thyer rekord.
Nga 1300 euro deri 1600 euro për kg, në varësi të cilësisë, me blerje direkt në fund të parcelës.
Bëni durim, në ABC News një histori ekskluzive po bëhet gati…
A kemi zgjedhje përpara apo jo?!
Foto: North Albania 2 tetor 2020…
