Punonjësit e rafinerisë së Ballshit i’u rikthyen sërish protestave ditën e sotme.
Ata shprehen se do shkojnë te sfera që ndodhet brenda uzinë, për të parë nëse do vijë apo jo shteti t’i shikojë.
”Të shkojmë tek sfera që ndodhet brenda ne uzine. Të shikojmë nëse do vijë shteti apo jo. 100 mjeke u mblodhën dhe e gjetën gjuhën, ne jemi me qindra familje dhe nuk po na zgjidh njeri. Të shkojmë të gjithë brenda’’, thanë ata.
Sipas tyre vetëm greva e urisë mund te sjellë reagimin e shtetit.
Ndërkohë, kreu i sidikatës së naftëtarëve Sokol Dautaj, tha se ndodhen në mes të katër rrugëve dhe se në Tiranë nuk i priti njeri.
Sokol Dautaj: ”Nuk kemi gjetur zgjidhje. Jemi në mes të katër rrugëve. Shkuam në Tiranë për të biseduar dhe nuk na priti njeri. Do ndjekim çdo rruge ligjore pasi tani shoqatën e kemi te ligjëruar edhe në gjykate. Nuk kemi asnjë pergjigje as për pagat dhe as per fillimin e punës.’’
Punonjësit e uzinës së përpunimit të naftës në Ballsh, protestojnë prej 2 vitesh për 20 pagat e prapambetura si dhe kërkojnë rifillimin e punës.
