Ambulanca e spitalit të Sarandës është përfshirë në një aksident, pasi u përplas me një automjet tip ‘BMW X5’, me targa angleze.
Mësohet se autoambulanca po shkonte të merrte në pacient, në momentin kur është goditur.
Ngjarja ka ndodhur rreth orës 04:21 të mëngjesit të sotëm në kryqëzimin e lagjes nr.3 të qytetit.
Për pasojë, është plagosur infermierja 58-vjeçare e identifikuar me inicialet A.R, e cila ndodhet në gjendje të rëndë.
”Rreth ores 04:21, në kryqëzimin e quajtur “Kolagji”, lagja nr.2, Sarandë, një autoambulancë e spitalit të Sarandës me drejtues shtetasin A.K., 54vjeç, banues në Sarandë është perplasur me mjetin tip BMW, me drejtues shtetasin K.K., 24 vjeç, banues në Sarandë’’, informon policia.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
Ajo është dërguar me helikopter drejt Spitalit Ushtarak në Tiranë.
Ndërkohë, nga përplasja, automjeti ka përfunduar brenda të lokalit të shtetasit E.K, teksa është plagosur edhe drejtuesi i mjetit.
