Cikloni “Ianos” ka goditur zonat perëndimore të Lamias në kufijtë me Komunën e Makrakomi dhe rrugën Lamia – Karpenisi.
Mediat greke shkruajnë se ka dhjetëra thirrje për ndihmë nga njerëz që janë bllokuar nëpër shtëpia në Lianokladi. Forcat zjarrfikëse u gjendën në vende të ndryshme për t’i ardhur në ndihmë njerëzve që ishin bllokuar në rrugë apo në shtëpitë e tyre për shkak të përmbytjeve.
Me përjashtim të makinave të zjarrfikësve dhe atyre të Mbrojtjes Civile, kalimi i çdo automjeti tjetër është i ndaluar.
