Ministrja në largim, Besa Shahini, ka folur në lidhje me shkarkimin e saj nga posti.
E ftuar në emisionin “Open”, Shahini tha se nuk e di pse kryeministri Rama zgjodhi ditën e parë të shkollës për ta larguar.
Ajo tha se e kishte diskutuar prej kohësh largimin e saj nga qeveria, por nuk kishte lënë një afat të caktuar.
“Unë kërkova lirimin, por isha e gatshme të punoja derisa të gjendej dikush tjetër. A jam shkarkuar? Kam kërkuar të lirohem. Kemi diskutuar që mund të jetë në fund të shtatorit”, tha ajo.
E pyetur se pse largimi i saj ndodhi më përpara përfundimit të mandatit, Shahini u përgjigj:
“Pyetjen duhet t’ia bëni kryeministrit. Për mua nuk ishte surprizë. E prisja. U diskutua dhe ndodhi sot. Nuk ka simbolikë që më larguan ditën e parë të shkollës. Për simbolikën duhet të pyesni kryeministrin”, tha ajo.
