Kryetari i URA-s në Malin e Zi, Dritan Abazoviç, ka paralajmëruar se nëse koalicioni i tij do të shkelë pikat e marrëveshjes për NATO-n dhe Kosovën, qeveria do të bjerë.
Në një intervistë për televizionin serb NIN, Abazoviç tha se politikanët e përgjegjshëm duhet t’i qëndrojnë marrëveshjes bashkë me koston e krizës politike.
“Unë pres nga ata që duan të jenë pjesë e marrëveshjes që të respektojnë marrëveshjen. Nëse hipotetikisht ajo nuk përmbushet, qeveria do të bjerë. Fund i diskutimit. Politikanët e përgjegjshëm i qëndrojnë prapa marrëveshjes. Me koston e krizës politike”, tha ai.
