Zamira Kita dhe bashkëshorti i saj janë infektuar me koronavirus. Aktorja e njohur korçare, ka folur sot në një lidhje ‘Skype’ në ‘Wake Up’ në Top Channel, ku ka treguar si është gjendja e saj shëndetësore. Ajo apeloi që të mos neglizhohet asnjë shenjë, duke theksuar se Covidi është një lloj gripi.
“Është bërë bujë mediatike, nëse të zë Covidi nuk ke shpresë. Nuk e pata shumë të rëndë, bashkëshorti e pati më të rëndë, por e kemi kaluar.
Është një grip diku më i lehtë, diku më i rëndë. Mos neglizhoni asnjë shenjë, asnjë këputje ose dobësi.
Pata një temperaturë të vogël, isha në plazh. Burri kishte kollë të lehtë, por thoshte që e ka të zakonshme”, tha më tej Zamira Kita.
