Pas nënshkrimit të marrëveshjes mes kryeministrit të Kosovës, Avdullah Hoti dhe presidentit serb, Aleksandar Vuçiç, ka ardhur edhe reagimi i Shtëpisë së Bardhë.
Zv/sekretari për mediat, Judd Deere thotë se kjo është një marrëveshje historike e arritur nga presidenti Trump për ta bërë botën një vend më të paqtë dhe më të begatë.
“Donald Trump ka njoftuar se Serbia dhe Kosova kanë rënë dakord për normalizimin ekonomik. Një marrëveshje tjetër historike e arritur nga ky President për ta bërë botën një vend më paqësor, më të begatë”, shkruan ai në Twitter.
Vetëm pak minuta më parë Hoti dhe Vuçiç nënshkruan marrëveshjen për normalizim ekonomik në Uashington, në prani të presidentit Trump.
