Tensionet mes Turqisë dhe Greqisë lidhur me çështjen e Mesdheut Lindor sa vijnë edhe thellohen.
Së fundmi, zëdhënësi i partisë qeverisëse Partia për Drejtësi dhe Zhvillim (AK Parti), Omer Çelik, ka lëshuar tjera akuza ndaj Athinës.
“Greqia tani është një shtet mashtrues në Mesdheun Lindor, duke tejkaluar dhe kapërcyer vijën. Turqia nuk do të pranojë e as nuk do të falë asnjë veprim ose blof kundër politikës së saj ‘Atdheu i Kaltër’ në territorin e saj detar”, tha ai.
Më tej, ai ka komentuar edhe rolin e Francës në këtë konflikt, e cila ka mbështetur përpjekjet greke.
“Franca nuk fiton asgjë duke sjellë mjete luftarake në Mesdheun Lindor ose duke mbajtur stërvitje me administratën e Qipros Greke. Nëse presidenti francez Emmanuel Macron përpiqet të tërheqë një vijë të kuqe në “Atdheun e Kaltër” të Turqisë, Turqia do të përgjigjet”, shtoi ai.
