Sezoni i ri televiziv do të vijë me prurje të reja, e po kështu do të ketë edhe lëvizje të bujshme. Mësohet se emisioni “Zonë e lirë”, që prej 17 vitesh drejtohet nga Arian Çani, nuk do të shfaqet më në ekranin e Tv Klan. Gjatë sezonit të ri, Çani do ta transmetojë emisionin e tij në kanalin e Abc News.
Nuk dihet ende nëse ka ndonjë konflikt që e ka bërë Çanin të heqë dorë nga ekrani i TV Klan, për t’u transferuar në Abc News, apo bëhet fjalë vetëm për mbyllje kontrate.
“Zonë e Lirë” e startoi transmetimin në Telenorba në vitin 2003, për t’u transferuar më pas në Vizion Plus. Prej vitesh tashmë, ky emision shfaqej në Tv Klan.
