Edi Rama në cilësinë e kreut të OSBE-së, do të jetë pjesë e Këshillit Special që do të mbahet të premten në Vjenë, në fokus të së cilit do të jenë zhvillimet e fundit në Bjellorusi. Lajmi konfirmohet nga burime zyrtare për ‘Report Tv’.
Kryesia e OSBE rithekson se oferta për një takim në Bjellorusi vijon të mbetet në tryezë. “Të gatshëm të mbështesim Bjellorusinë. Oferta jonë për një vizitë në Bjellorusi mbetet në tryezë”, thuhet në njoftimin zyrtar të Kryesisë së OSBE-së.
Kryeministri Edi Rama në cilësinë e kreut të OSBE-së, ka kërkuar një takim me qeverinë dhe opozitën në Bjellorusi, për të zgjidhur situatën e krijuar përmes dialogut, pas zgjedhjeve.
Këshilli Evropian ka mbështetur propozimin e kryeministrit Edi Rama, si kryetar i OSBE-së, për dialog në Bjellorusi, pas situatës së krijuar atje. KE ofron ndihmë për të zgjidhur situatën e tensionuar atje pas zgjedhjeve të 9 gushtit. Zgjedhjet nuk pranohen nga opozita dhe organizatat ndërkombëtare, pasi cilësohen si të manipuluara, ndërsa vendi është përfshirë nga një valë protestash.
