Me anë të opsionit pyetje-përgjigje në Instagram, moderatorja e njohur Einxhel Shkira, ka shprehur pakënaqësinë e saj ndaj botës së televizionit.
Ajo së fundmi ka vendosur të heqë dorë nga projektet televizive. Një nga pyetjet që i është bërë, është nëse do të jetë pjesë e ndonjë projekti të ri televiziv. Bukuroshja ka thënë se nuk ka në plan t’i përshtatet kornizave që vetë televizioni kërkon, dhe as nuk dëshiron të jetë më pjesë e tij.
“Deri sot dashje-padashje kanë tentuar vetëm të shesin me imazhin tim, dhe deri diku nuk është e lehtë të luftosh me steriotipet që krijojnë njerëzit në mendjen e tyre paragjykuese. Por unë e di kush jam dhe ç’a dua, unë jam më shumë se pjeshka mbi taka dhe ky është projekti im i radhës”, shkruan Einxhel.
