Ndërsa rastet e të infektuarve me koronavirus vijojnë të rriten, vendet kanë filluar të vendosin kufizime të reja për parandalimin e Covid-19.
Çfarë po bëjnë ?
Franca: Në disa rajone ka ndaluar grumbullimin e shumë personave
Bllokimi i Francës u vendos në 17 mars, por kufizimet filluan të lehtësohen në 11 maj.
Sidoqoftë, pas shpërthimeve të freskëta në korrik, qeveria vendosi që maskat në fytyrë të jenë të detyrueshme në hapësira publike dhe vende të mbyllura. Që nga 10 gushti, maskat kanë qenë të detyrueshme për moshën 11 vjeç e lart.
Nga 15 gushti, njerëzit që hyjnë në Mbretërinë e Bashkuar nga Franca do të duhet të bëjnë karantinë për 14 ditë.
Spanjë: Paralajmërimet e udhëtimit pas rritjes së numrit të infektuarve
Më 4 maj, Spanja përcaktoi planin e saj për të filluar lehtësimin e një prej bllokimeve më të rrepta në Evropë.
Urdhrat e qëndrimit në shtëpi janë lëshuar për katër milion banorë në Katalonja dhe këto masat pritet që të vendosen përsëri. Qeveria vendosi qe maskat duhet të mbahen nga të gjithë qytetarët me detyrim.
Gjermania: Testimi i detyrueshëm në aeroport
Gjermania filloi të lehtësojë bllokimin e saj në muajin prill, duke lejuar hapjen e dyqaneve të vogla.
Në maj, dyqanet e të gjitha madhësive dhe shkollave filluan të rihapen. Sidoqoftë, një rritje e rasteve të lidhura me një fabrikë të përpunimit të mishit pranë qytetit perëndimor të Gütersloh shkaktuan bllokime të reja lokale.
Testimi në aeroporte tani është i detyrueshëm për të gjithë udhëtarët që vijnë nga vendet me rrezik të lartë.
Itali: Klubet e natës dhe vendet e kërcimit të mbyllura
Bllokimi i rreptë i Italisë filloi në 7 Mars dhe u hoq gradualisht dy muaj më vonë.
Bare, restorante, parukeri, muzetë dhe vendet turistike të gjitha u rihapën me distancim të rreptë social dhe vendosjen e detyrueshme të maskës në fytyrë. Më 3 qershor, Italia rihapi kufijtë e saj dhe përfundoi kufizimet rajonale të udhëtimit.
Por me numrin e rasteve që po vijojnë të rriten përsëri në Itali dhe nëpër Evropë, udhëtarët që vijnë nga Kroacia, Greqia, Malta dhe Spanja tani përballen me testime të detyrueshme për Covid-19.
Autoritetet urdhëruan mbylljen e të gjitha sallave të kërcimit dhe klubeve të natës që nga data 17 gusht. Gjithashtu qytetarët tani duhet të vendosën maskë nga ora 18:00 deri në 06:00 me kohën lokale në të gjitha hapësirat publike në të gjithë Italinë, ku distancimi social nuk është i mundur.
Portugalia: Klubet e natës mbeten të mbyllura
Portugalia ka pasur më pak raste të koronavirusit dhe vdekje krahasuar me disa kombe të tjera të Evropës Jugore,
Qeveria rihapi sektorë të ndryshëm të ekonomisë çdo 15 ditë, restorante, kafene, muze dhe plazhet. Faza e fundit e rihapjes filloi më 1 korrik. Hotelet janë rihapur, por klubet e natës vazhdojnë të mbeten të mbyllura.
Greqi: Testimi në aeroport dhe kufi i detyrueshëm për të gjithë pasagjerët.
Greqia regjistroi çështjen e parë me Covid-19 më 26 shkurt dhe menjëherë vendi u vendos në karantinë. Masat e lehtësimit filluan në fund të prillit. Megjithatë, numri i rasteve filloi të rritet përsëri në korrik.
Që nga 29 korriku, maskat në fytyrë kanë qenë të detyrueshme në supermarkete, dyqane, kafene, banka, zyra qeveritare dhe parukeri.
Nga 17 gushti, baret, klubet dhe restorantet në Athinë dhe disa zona në të gjithë vendin duhet të mbyllen në mesnatë raporton BBC./Express
