Ish-ministri i Shëndetësisë së Kosovës, Numan Baliç është arrestuar të enjten, pasi dyshohet se ka ngacmuar seksualisht një 23-vjeçare.
Sikurse raporton “Klan Kosova”, ish-ministri me profesion mjek dyshohet se ka ngacmuar të renë, teksa ajo ishte duke qëndruar në spitalin e Pejës me vajzën e saj.
Prokuroria ka pranuar një ndalim për ngjarjen në fjalë, por nuk ka dhënë detaje të tjera për identitetin e tij.
“Lidhur me rastin në fjalë është ndaluar një person nën dyshimin se ka kryer veprën penale sulm seksual në spitalin regjional të Pejës. Me urdhër të prokurorit është dërguar në ndalim 48-orësh, gjithashtu prokuroria në koordinim të plotë me Policinë e Kosovës janë duke ndërmarrë veprime lidhur me këtë çështje”, ka thënë për “Klan Kosova”, zëdhënësi i Prokurorisë Themelore të Pejës, Shkodran Nikçi.
