Presidenti rus, Vladimir Putin, pohoi sot se Rusia e ka gati vaksinën ndaj koronavirusit. Në një deklaratë për mediat, Putin tha se ai e ka injektuar vaksinën tek një nga vajzat e tij.
Putin theksoi se Rusia ishte bërë vendi i parë që ka një vaksinë, duke pretenduar se ajo “ka kaluar të gjitha testet e nevojshme” dhe ofron dy vjet imunitet kundër Covid-19.
Udhëheqësi rus tha se njëra nga vajzat e tij kishte zhvilluar tashmë antitrupa dhe se efektet e saj anësore nuk ishin asgjë më shumë se një temperaturë e lartë.
Zyrtarët rusë kanë thënë që prodhimi në shkallë të gjerë i vaksinës do të fillojë në shtator dhe vaksinimi në masë mund të fillojë në tetor. Rusia pretendon se 20 vende kanë porositur tashmë një miliard doza të saj.
