Ministri i Shëndetësisë në Kosovë, Armend Zemaj, ka paralajmëruar se pjesë e masave të reja mund të jetë edhe mbyllja e vendit.
Në një intervistë për TV Kanal 10, Zemaj sqaroi se mbyllja do të jetë e kontrolluar, jo si ajo gjatë muajve mars dhe prill.
“Nuk e përjashtoj mbylljen që ta kemi një kontrolle më të madhe për virusin, qe ta kemi në kontroll shtatorin, sepse ka gripa të tjera. Ky është vlerësim, mund të ndodh që të ketë një mbyllje të kontrolluar pa e lënduar pjesën organizative të jetës, por që mbyllja na siguron ta kemi nën kontroll pandeminë, që në shtator të jemi super të përgatitur. Mbyllje jo si në mars, por mbyllje të kontrolluar dhe mirë të menaxhuar, duke organizuar formën e jetës, por në zbatimin e masave”, tha Zemaj, duke shtuar se para shtatorit mund të kthehet orari i lëvizjes për qytetarët me orare të caktuara.