Policia njoftoi më herët ditën e sotme se kishte arrestuar një nga autorët e ngjarjes së djeshme në hotel “Voloreka” në Pogradec.
Bëhet me dije se i arrestuari është shtetasi Mariglen Topuzi, 34 vjeç, banues në fshatin Buçimas. Ai ka qenë i dënuar më parë për veprën penale “Shkatërrimi i pronës me zjarr”. Ndërkohë, për ngjarjen e djeshme policia ka shpallur në kërkim edhe 3 persona të tjerë, I. B., 52 vjeç, M. B., 34 vjeç, dhe B. S., 28 vjeç.
Ngjarja ndodhi në orët e para të mëngjesit të djeshëm, ku dy persona qëlluan mbi 50 herë me kallashnikov në drejtim të hotel “Voloreka” në Pogradec.
Nën shënjestrën e autorëve dyshohet të ketë qenë djali i pronarit të hoteli, Jemir Muçllarit. Kjo pasi autorët qëlluan me armë në drejtim të dhomës ku flinte i riu.
