Tirana konkretizoi një tjetër përforcim në prag të nisjes së përgatitjeve për Kupat e Evropës.
Pas afrimit të Ardit Tolit nga kampionati grek, bardheblutë firmosën edhe me mbrojtësin maqedonas Kristijan Toshevski.
Të dy këta futbollistë do të mbulojnë hapësirën e krijuar në prapavijë nga largimi i mbrojtësit Albi Doka.
Toshevski do të jetë pjesë e kampionëve për dy sezonet e ardhshme, shkruan “A2”. Kryeqytetasit do të nisin së shpejti përgatitjet për eliminatoret e Champions League, ndërkohë që në fundjavë do të njohin kundërshtarin e fazës së parë, pas hedhjes së shortit.
