Imazhet satelitore japin një pasqyrë më të qartë të shtrirjes së vërtetë të shkatërrimit në Bejrut pasi një depo e mbushur me kimikate të rrezikshme shpërtheu me forcën e një bombe të vogël bërthamore mbrëmjen e djeshme. Zona e depove është kthyer në një krater.
Të paktën 135 njerëz kanë vdekur në shpërthim, megjithëse ky numër pritet të rritet ndërsa ekipet kërkojnë në rrënoja. Numri i të plagosur ka arritur në rreth 5,000 dhe dhjetëra të humbur në Bejrut, të cilët zyrtarët e kanë quajtur një ‘qytet katastrofë’.
Shpërthimi mendohet të jetë shkaktuar pasi një saldator shkaktoi një zjarr që u përhap në një depo ngjitur ku u ruajtën 2,750 ton nitrat amon shumë shpërthyes.
Kostoja ekonomike e dëmit mendohet të jetë rreth 5 miliardë dollarë me gjysmën e ndërtesave të qytetit të dëmtuara, por kostoja më e ngutshme njerëzore përfshin 300,000 njerëz të mbetur pa shtëpi së bashku me spitalet që përpiqen të përballojnë situatën.
