Një aksident i rëndë është regjistruar pasditen e sotme në Tiranë, teksa një 14-vjeçar ka humbur jetën.
Mjeti me drejtues shtetasin I.Z., ka përplasur fëmijën me iniciale A. L, 14 vjeç që po lëvizte me biçikletë. Ngjarja u regjistrua në zonën e Farkës, ndërsa si pasojë e plagëve të marra i mituri ka ndërruar jetë në spital.
Grupi hetimor ndodhet në vendngjarje për të zbardhur shkaqet e aksidentit.
Njoftimi i policisë:
Tiranë/Informacion paraprak
Më datë 02.08.2020, rreth orës 17:00, në Farkë, mjeti me drejtues shtetasin I.Z., ka aksidentuar biçiklistin e mitur me iniciale A. L, 14 vjeç, i cili si pasojë e plagëve të marra ka ndërruar jetë në spital.
Drejtuesi i mjetit u shoqerua në ambientet e Komisariatit Nr.1, për veprime të mëtejshme.
Grupi hetimor dhe shërbimet e Policisë vijojnë punën për zbardhjen e plotë të rrethanave të ngjarjes.
