Zonja e Parë e Brazilit, Michelle Bolsonaro ka rezultuar pozitive me koronavirus, një ditë pasi presidenti Jair Bolsonaro u shërua nga kjo sëmundje.
Mediat e huaja shkruajnë se 38-vjeçarja ndodhet në gjendje të mirë shëndetësore, por se do të qëndrojë në izolim për dy javët e ardhshme.
Pak më herët, doli lajmi se edhe ministri i Shkencës dhe Teknologjisë në Brazil, Marcos Pontes, ishte infektuar me COVID-19.
Bolsonaro tha ditën e sotme se edhe pse e ka kaluar sëmundjen, ndihet i dobët dhe që mund të ketë myk në mushkëri.
“Sapo më kanë bërë një analizë gjaku. Isha paksa i pafuqishëm dje. Po ashtu, ata kanë gjetur infeksion. Po marr antibiotikë tani. Mund të kenë qenë ato 20 ditë brenda shtëpisë…Kam myk, myk në mushkëri. Kjo duhet të jetë arsyeja”, u shpreh ai në një video që ka shpërndarë ai në rrjetet sociale.
