Biznesmeni Eugert Lazaj, i cili është pronar i kompleksit “Adorions Palace” në zonën e Maminasit, u gjet pa jetë në vilën e tij në periferi të Tiranës. Autoritetet dyshojnë për vetëvrasje në kushtet e depresionit. Megjithatë rrethanat janë ende të paqarta, dhe po hetohen nga policia.
Eugert Lazaj, 37 vjeç, u gjet i vdekur mëngjesin e sotëm në shtëpinë e tij brenda një kompleksi shumë të njohur vilash në zonën e Farkës.
Policia e Shtetit raportoi për ngjarjen, duke thënë vetëm se i riu u gjet në shtëpi, dhe se ngjarja dyshohet se është vetëvrasje.
“Më datë 30.07.2020, rreth orës 07:00, në fshatin Farkë, në banesë, dyshohet se është vetëvrarë me armë zjarri shtetasi E.L., 37 vjeç. Grupi hetimor dhe shërbimet e policisë ndodhen në vendngjarje dhe vijojnë punën për zbardhjen e plotë të rrethanave të ngjarjes”, thuhet në njoftimin e policisë.
