Mbrojtësi shqiptar, Frederic Veseli, do të vijojë karrierën e tij tek ekipi i Empolit.
Pasi kontrata e tij me Le Mans mbaroi, Veseli u huazua nga Empoli në janar dhe luajti 5 ndeshje me francezët.
Sipas mediave italiane, skuadra Le Mans nuk pagoi për të mbajtur mbrojtësin shqiptar, por duket se e vërteta është ndryshe. Në një prononcim për Telesport, Veseli ka sqaruar rikthimin e tij tek Empoli.
“Le Mans nuk kishte opsion për të vazhduar kontratën me mua. Nuk ishin ata që vendosën për të mos zgjatur bashkëpunimin, por Empoli nuk kishte parashikuar një klauzolë të tillë në kontratë. Unë u riktheva tek Empoli sepse kam një vit kontratë. Në asnjë moment klubi im nuk deklaroi se do të më largojë. Unë kam kontratë dhe natyrisht që Empoli do ta respektojë”, thotë ai.
