Futbollisti Edi Sylisufaj i cili ka pranuar të luajë me përfaqësuesen U-21 të Kosovës, ka shënuar një eurogol së fundmi me skuadrën e Suedisë ku ai luan.
Falkenberg po humbiste 2-0 në fushën e Goteborg dhe sulmuesi i talentuar shkurtoi rezultatin në minutën e 73-të (Falkenbergs barazoi në shtesa dhe siguroi një pikë të rëndësishme).
20-vjeçari me origjinë nga Tropoja ka lindur në Suedi. Ai do të grumbullohet shumë shpejt me përfaqësuesen U-21 dardane. Prej janarit të vitit 2017 është pjesë e ekipit të parë të Falkenbergs, skuadër që garon në elitën e futbollit suedez (Allsvenskan). Sezonin e ri e ka nisur shumë mirë dhe sot gjeti golin e katërt në kampionat.
